Համաձայնագիր

Ես ինքնակամ ստորագրում եմ սույն տեղեկացված համաձայնությունը Կազմակերպիչի կազմակերպած Միջոցառումին մասնակցելու վերաբերյալ:
Հավաստիացնում եմ, որ ես պատշաճ կերպով ծանոթացել եմ Միջոցառման նկարագրին և անվտանգության կանոններին, ստացել եմ իմ մոտ առաջացած բոլոր հարցերի ամփոփ պատասխանները և կրում եմ իմ անձի, իմ կողմից բերված մարդկանց և իրերի նկատմամբ լիկատար պատասխանատվություն:

Ես հստակ հասկանում եմ ինձ ներկայացված կանոնները և վերջիններիս հետևելու կարևորությունը, ինչպես նաև գիտակցում եմ, որ կանոնների անտեսումը կարող է հանգեցնել անցանկալի երևույթների: Ես հասկանում եմ որ որոշումները կայացնում է խմբի ղեկավարը, որը կազմակերչական թիմի կողմից է նշանակվում:

Ես հաստատում եմ, որ բժշկական որևէ խանգարումներ չունեմ, կամ դրանց առկայության դեպքում բանավոր տեղյակ եմ պահելու կազմակերպչական թիմին մինչև մեկնումը և ինքնուրույն եմ կրում իմ անձի նկատմամբ բժշական բոլոր ռիսկերի պատասխանատվությունը և անհրաժեշտ դեղորայքների առկայությունը:

Իմ առողջական վիճակը (բնածին, ձեռք բերված, քրոնիկ, սուր հիվանդությունները և/կամ խանգարումները, ինչպես նաև նորմայից ցանկացած շեղումները) ես գնահատում եմ ինքնուրույն և/կամ իմ բժշկի խորհրդատվության հիման վրա:

Ես պատշաճ կերպով տեղեկացվել եմ, որ աստորտուրի կազմակերպիչը/ղեկավարը որևէ պատասխանատվություն չի կրում իմ առողջության և/կամ առողջական վիճակի վատթարացման համար:

Ես պատշաճ կերպով տեղեկացվել եմ, որ պարտավորվում եմ անվերապահորեն կատարել կազմակերպչի կողմից սահմանվող գրավոր և բանավոր ցուցումները, որոնք պարտադիր են բոլոր մասնակիցների համար:

Ես պատշաճ կերպով տեղեկացվել եմ, որ աստրոտուրի ընթացքում  իմ անձնական գույքի հնարավոր կորստի, վնասման և/կամ ամբողջական ոչնչացման համար կազմակերպիչը և անձնակազմը որևէ պատասխանատվություն չեն կրում:

Ես պատշաճ կերպով տեղեկացվել եմ, որ պետք է գտնվեմ Կազմակերպչի կողմից նշված անհրաժեշտ վայրում, անհրաժեշտ ժամին և ուշանալու դեպքում իմ վճարած գումարը ենթակա չէ վերադարձի:

Ես պատշաճ կերպով տեղեկացվել եմ, որ Միջոցառումից կարող եմ հրաժարվել մինչև Միջոցառման նկարագրությունում հստակեցված օրն ու ժամը, հակառակ դեպքում պարտավորվում եմ վճարել Միջոցառման ամբողջ գումարը:

Ստորագրելով սույն տեղեկացված համաձայնությունը, ես հաստատում եմ, որ աստրոտուրի ընթացքում որևէ վնասվածքներ, և/կամ մահվան ելքով պատահարների դեպքում, ես, իմ հարազատները և/կամ այլ լիազորված անձինք աստրոտուրի կազմակերպչին  և անձնակազմին որևէ պահանջ չենք ունենա, այդ թվում ֆինանսական:

ԱՍՏՐՈՒՏՈՐԸ ԸՆԴՀԱՏԵԼՈՒ ԴԵՊՔԵՐԸ

Սույն ուղեցույցով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, իսկ կազմակերպիչն էլ դադարեցնում է աստրուրը, եթե դա եղել է անհաղթահարելի ուժի ազդեցության հետևանքով, որը ծագել է սույն ուղեցույցը ստորագրելուց հետո, և որը Կողմերը չէին կարող կանխատեսել կամ կանխարգելել: Այդպիսի իրավիճակներ են երկրաշարժը, ջրհեղեղը, հրդեհը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների ակտերը և այլն, որոնք անհնարին են դարձնում սույն ուղեցույցով պարտավորությունների կատարումը:

Աստուտուրը կարող է դադարեցվել

• Խմբի մասնակիցներից մեկի առողջական վիճակի վատացման կամ ստացած վնասվածքի պատճառով:
• Վատ եղանակային պայմանների դեպքում, որի շարունակելը կարող է վտանգավոր լինել մարդկանց առողջության և դիտողական գույքի համար: