«Աստղադիտարանը» Ձեր Դպրոցում
Կրթաժամանցային միջոցառում, որը ներառում է տպավորիչ աստղադիտում հենց դպրոցի տարածքից՝ հզոր աստղադիտակներով և հանրամատչելի գիտատեխնիկական սեմինար երիտասարդ ֆիզիկոս-աստղագետների կողմից։
🟡 Աշակերտները նորացված հետաքրքրվածություն ձեռք կբերեն գիտության և մասնավորապես՝ աստղագիտության նկատմամբ
🟡 Կծանոթանան և կճանաչեն երկնային հեռավոր օբյեկտները
🟡 Գիտելիքներ կստանան գիտության և արդի տեխնոլոգիաների զարգացման մասին
🟡 Կմասնակցեն հետաքրքիր կրթական և ժամանցային միջոցառման, հնարավորություն կունենան իրենց հարցերն ուղղել երիտասարդ մասնագետներին
🟡 Շփվելով երիտասարդ գիտնականների, ֆիզիկոս-աստղագետների հետ մեծ մոտիվացիա կստանան կրթվելու, ինքնակրթվելու և ավելին բացահայտելու համար
Ովքե՞ր են իրականացնում ծրագիրը
«Աստղադիտարանը Ձեր Դպրոցում» ծրագիրն իրականացնում է աստղագիտությունը հանրայնացնող և տարածող SpaceShop42 նախաձեռնությունը: Դպրոց են այցելում աստղագետ-զբոսավարներ Վաչիկ Խաչատրյանը, ով աշխատում է «Հայասաթ-1» առաջին արբանյակի նախագծում որպես համակարգերի ինժեներ, և Մհեր Խաչատրյանը, ով որպես ասպիտանտ զբաղվում է բարձր էներգիաների աստղաֆիզիկական ուսումնասիրություններով ԻԿՐԱՆԵՏ Հայաստան Միջազգային Կենտրոնում:
Մասնագիտացած լինելով ոլորտում, նախաձեռնության փորձառու ֆիզիկոս-աստղագետները 8+ տարի է կազմակերպում են հանրային և անհատական աստղադիտումներ, գիտական միջոցառումներ և սեմինարներ:
🟡 Զբաղվում ենք գիտությամբ և տարածում գիտությունը ստեղծելով գիտահանրամատչելի հոդվածներ սիրողական աստղագիտության և Տիեզերքի վերաբերյալ
🟡 Կազմակերպում ենք սեմինարներ և այլ կրթական ծրագրեր տարբեր դպրոցների, հասարակական կազմակերպությունների և ընկերությունների հետ համատեղ
🟡 Կազմակերպում ենք հանրային և անհատական պրոֆեսիոնալ աստղադիտումներ, իրականացնում ենք աստրոտուրեր Հայաստանի ամենամութ վայրերում
🟡 Զարգացնում ենք սիրող աստղագետների և աստղալուսանկարիչների ակտիվ համայնքը
🟡 Որպես Երևանում կայացած Starmus VI միջազգային փառատոնի գործընկեր կազմակերպել ենք միջոցառման Star Party աստղադիտումը
🟡 Հանդիսանում ենք աստղադիտակներ և այլ գիտական սարքեր արտադրող Explore Scientific ընկերության պաշտոնական ներկայացուցիչը Հայաստանում
🟡 Ստեղծել ենք աստղագիտական խմբակներ Նոյեմբերյանում և Ջերմուկում՝ տեղի գործընկերների հետ համատեղ
Ծառայության Արժեքը
Աստղադիտման Արժեքը
- Հստակ գինը կախված է մասնակիցները քանակից, դպրոցի համայնքից և սեմինարի առկայությունից
Հաճախ Տրվող Հարցեր
Միջոցառմանը կարող են մասնակցել դպրոցականները (ցանկացած տարիքի), ինչպես նաև ծնողները և ուսուցիչները:
Միայն սեմինար անցկացնել հնարավոր չէ: Սեմինարն աստղադիտման հետ անցկացվող ոչ պարտադիր ծառայություն է:
Աստղադիտման մասնակիցների նվազագույն քանակը մեկ օրվա համար 30 է, առավելագույն քանակը՝ 100:
Սեմինարի մասնակիցների նվազագույն քանակը 15 է:
Միջոցառման օրը կախված է եղանակային պայմաններից և ամպամածությունից: Ամրագրումն իրականացնելուց հետո մեր մասնագետները հետևում են եղանակին և Ձեզ հետ խորհրդակցելով հստակեցնում օրը:
Վճարումն իրականացվում է, երբ կա հաստատված օր, միջոցառումից մեկ օր առաջ կամ հենց միջոցառման օրը:
Վճարումը կարող է իրականացվել հետևյալ եղանակներով՝
-փոխանցում իրավաբանական անձից
-անկանխիկ
-կանխիկ
